مدونات اخرى
  مدونات في دائرة التعليق
ملفات
 
 
09/02/07 GMT 11:46 AM
دخلت المدونات عصر الاعلام المفتوح وشكلت رافدا مهما من روافد هذا الاعلام، فبالاضافة الى كونها مصدرا خبريا، فهي تمثل في كثير من الاحيان رأيا عاما، ولعل نجاح المدونين العرب في تعبئة الشارع، من خلال مدوناتهم يعدا مثالا على ذلك، وخاصة اذا تذكرنا ان حركة مثل حركة كفاية المصرية، انطلقت عبر مدونات الشباب المصري، والذين استطاعوا ان ينزلوا بها الى الشارع، وكما تواجه وسائل الاعلام الاخرى قرارات حكومية بالمنع ولاغلاق وتضييق مساحة الحركة، فإن المدونات لها نصيبها من عدوانية الرقيب العربي الذي يكره هـواء الحرية وحق تدفق المعلومـات. في "الرأي" سنتجول في المدونات العربية، ونختار لكم مدونة من هنا وهناك، مع اقرارنا بأن المدونة تمثل أولا وأخيرا رأي صاحبها.
اقر واعترف : انا سفاح المعادي
ربما تعجبت عندما قرأت عنوان هذا الموضوع وقلت سواء يصوت عالي أو واطي إيه الواد المجنون ده
ده بيعترف إنه سفاح المعادي ؟ وإذا مكنتش إتهمتني بالجنون ع العنوان ، أكيد هتتهمني بالجنون في إعترافاتي القادمة ، علشان كده إقرأ ما يلي :
إقرار
أقر وأعترف أنا المواطن كريم الشيخ مصري عاطل بالوراثة وأنا في كامل قوايا العقلية أنني سفاح المعادي الذي قمت بعمليات التسفح بإستخدام ألى حادة في بتر البناطيل الجينز من خاف السيدات والفتيات....
إمضاء
.......

كواليس الإعتراف
بعد ما الشرطة تعبت من البحث عن سفاح أو مجرم المعادي ، ووشها بقى وحش أوووووي قدام الرأي العام في القبض عن سفاح المعادي وسفاح المعادي الحقيقي إختفى بعد علشان عرف إنه مصيبره أبو زعبل ، قررت أمن الدولة إنها تشوف واحد من أحبابها المدونين الغاليين أو العزاز عليها فإتهمتني علشان أنا بقول نتكلم بالحق شوية ، المهم خدوني من البيت بعد ما طلعوا تلاتة عين أهلي وضربوني وحطوني في التلاجة ( التلاجة عبارة عن غرفة مغلقة مظامة رطبة تحت الأرض ) وبعدها جابوني قدام الباشا علشا أعترف وقالوا لي إعترف يا بن الكلب .. مه أنا أبويا كلب ومحدش يعرف وطبعا لو أمن الدولة قالت لي يا بن ... هأبقى إبن ... وإبن ده(حتى إنت ولا هتعلي صوتك عليا وتقول لي إنت متعرفش أنا مين ؟ أه ، مه اللي ميقدرش ع أمن الدولة يقدر على العاطل بالوراثة) وطبعا زي ما حصل في بني مزار اللي إتهموا فيها الغلبان على عين امه بإنه قتل 13 ل16 مواطن صعيدي في ساعة واحدة ، وكمان حصل مع واحد صاحبي والله العظيم ومش بكدب عليكم إنه إتلفق له قضية مخدرات علشان رايح يسأل على محضر أخوه اللي إنضرب في خناقةوهو بيسلك ومينوب المسلك اللي رصاصة في دماغه وقضية لأخوه علشان كده أعترف أحسن ، واللي يجرى يجرى وهقولها بصوت عالي إنه 78مليون مواطن مصري هما سفاحي المعادي مش أنا لوحدي عارفين ليه ؟.
لأننا الرأي العام وعلشان إحنا الرأي العام فبنمسك في العبيطة ونتصدر فيها مين قال مه ممكن يكون سفاح المعادي ده واحد مسلط من النظام وممكن يكون واحد حب يغير فضل ينصح ومعرفش راح عمل الموقف ده وممكن يكون حد عنده عقدة نفسية ، مه طول عمره في تحرشات وطول عغمره في سفاحين ، أمال ده لو كانت راية وسكينة كنا هنعمل إيه ؟ إحنا لازم ندرك شيئ إنه إنقلاب الرأي العام على حاجة هايفة زي كده بيدل ولا مؤخذه على تفاهة الشعب ، علشان كده أنا حبيت أريح الكل مني وأريح الشعب من سفاح عمره ما كان سفاح ، وكمان أريح الرأي العام علشان بدل ما يعلوا صوتهم في واحد ممكن يكون بيغير وضع سيئ في المجتمع بيقلبوا الرأي العام عليه ، عارفين هو جاب الفكرة منين ؟.
لو إنتوا متابعين مقاطع الفيديو بتاع الموبايلات هتلاقوا إنه في برنامج غربي بيشد الجيب أو البنطلون علشان الناس تضحك لكن ده بيقطع الجيب أو البنطلون علشان الناس تتقلب عليه ويعملوه قضية رأي عام ..
علشان كده يا أصحابي لو سبوني لحد السنة الجاية على قيد الحياة هعمل لنفسي تمثال وأهحطه مكان تمثال طلعت حرب اللي بيرمموه أو ناويين يشيلوه ويا ترى مين اللي هيتحط مكانه مبارك ولا جمال..
كريم الشيخ
عاطل بالوراثة سابقا
سفاح المعادي حاليا
كريم الشيخ الكاتب
http://allysotak.jeeran.com/archive/2007/1/148902.html رابط المدونة
تعليقات القراء
اه منك يا سفاح ! ! ! 10/02/07
GMT 12:11 PM
  احمد خيرى
كريم الشيخ .. فعلتها يا بطل لتثبت ان للمصريين مكانا هنا .. مبروك يا كريم ايها الوطنى الثائر ... مبروك على التواجد هنا ... وعقبالنا يا عم : )
الف مبرووووووووووووووووووووووووك
هيرووووووو
والله مش عارف اقول اية 29/03/07
GMT 6:08 PM
  كريم الشيخ
الغالي احمد خيري
الغالي مادز الذي عرفني الطريق الى هنا
شكرا لكم
في الحقيقة لم اعرف يوما ما ان موضوع سفاحخ المعادي سيجذب بال الكثير من المواطنين
ذلك المقال الساخر الذي كتبته ساخرا على ما يحدث في وطني
يصبح يوما ما أحد مختارات موقع عربي مثل هذا
شكرا للرأي وتلك شهادة اعتز بيها
مبروك كريم! 29/03/07
GMT 6:16 PM
  mads
ألف مبروك يا كريم نجاح مقالك وإختيارة فى "الرأى"
نجاح مقالك هو نجاح لك!

دمت بكل خير !
 
الاسم  
عنوان التعليق  
البريد الالكتروني (خياري)  
التعليق  

© جميع الحقوق محفوظة للرأي نيوز 2006 - 2010
 برعاية